Hoe kon jy?

Jy’t my sonder plan en vol van smart in die lewe in gebring

Jy’t my nooit gedruk, gesoen of vir my aan die slaap gesing

Hoe kon jy my so leeg laat slaap, hoe kon jy vir my trane staar?

hoe kon jy verder gaan en nog kinders sonder liefde baar?

jy het my rondgeskuif van huis tot huis, van pa tot pa

jy het toegelaat dat ek sien hoe slaan nog ñ man my ma

hoe kon jy my op laat sit, hoe kon jy dronk word en my alleen laat bid?

hoe kon jy nie sien wat jou man’s doen aan jou kind?

jy het self verander van ma na niks, voor mense in ñ ander gewaad

jy het my gehaat vir elke dag maar ek het jou steeds lief gehad

hoe kon jy kinderliefde verwerp, hoe kon jy miskyk elke merk?

hoe kon jy dink eks oud genoeg, hoe kon jy dink ek is so sterk?

jy het gevat wat hulle aan jou doen, dit omgedraai aan my gedoen

jy het gevloek, gegil, gedrink, geslaan, jou dade bly steeds onversoen

hoe kon jy my jou swakheid laat sien, hoe kon jy dink ek’t dieselfde verdien?

hoe kon jy dink dis gesond en reg en moederlike aksies die?

Jy het jou oorgegee aan drank en meer, vergeet van my

Jy het ineengestort en my agtergelaat, gevlug, net so weggery

hoe kon jy my in die kar laat sit, hoe kon jy my probeer saam sleep?

hoe kon jy my slaan vir iets wat aan jou gewete vreet?

dis reg, dis klaar, niemand kan iets hiervan maak

jy het my groei gestop, my hart laat kalk

jy het geen idee wat jou lewe gedoen het

aan ñ kind wat moes grootword in ñ vreemde bed

dis reg, dis klaar, daar is niks meer te sê

maar ñ laaste vraag wil ek voor jou lê

dis ek jou seun, in bloed en siel is ons een

so hoe kon jy?

Shaun StoltZ

tot ek weer kom

meer uit my tap

meer uit my bloei

my rivier staan nie ñ kans om tot die see te vloei

vat aanhou om keer

vat aanhou uitloop

my skottel staan nie ñ kans om sy rande te oorloop

is dit my skuld is dit jou skuld

dat ek voel so misbruik

ekt ñ gees wild en ñ hart wild

gedoktrineer tot ñ werks-lyk

is dit my weg is dit jou weg

wat ek blindelings bly volg

eks ñ ja kneg en ñ diens  kneg

dryf net saam die aards-gevolg

asseblief laat my vry wees om my drome na te streef

asseblief wereld los my tot ek weer kom om te leef

Shaun StoltZ

Speel-Speel

Ek trek sirkels op jou skouer,

Jou rug ark.

Warm woorde vul jou oor,

Jou lyf ruk.

Ek haal asem op jou maag,

Jou mond krul.

Atomies bars ons teen mekaar vas.

ñ Rug breek oomblik teen die kas

ñ rosedoring kus voor ñ wegbreek

net meer nuuskierigheid opsteek.

Magneties lyf na lyf aantrek.

ñ Ontdekkingsreis van been tot nek

ñ glimlag piksoen voor die wegspring

dis n leeu-lus wat jou grond toe bring.

Met ñ velle slag tref ons die vloer.

Jy lag en kla, ek spoeg-lag-koer.

Vir ñ oomblik kyk ons stip en stil…

Jou vuishou terug ontlok ñ brul.

Ek trek sirkels op jou maag,

Jou asem snak.

Onnoembare dade vul jou denke,

Jou oë lag.

Ek neem jou in my arms,

Jou lyf witvlag.

Shaun StoltZ

Losbek Patroon

Vandag sit ek binnensmonds en dikteer

ñ Lys, op lys, oop lys oor my losbek patroon.

Ek wens dit was om haar vir alles te loon,

maar dis oor alles wat ek daagliks verteer.

Die rooi week wat sy so graag as verskoning bruik

om my hel te gee en sleg te se en af te kraak,

is eintlik maar net pappelellekoors maar, waak

die:  sy kan die vrees in jou antwoorde ruik.

Haar feminisme lê haar so na aan die hart

Sy vergeet van haar bydrae in gesonde verhoud.

Slangoog gluur laat selfs die kat en hond benoud

as ons vuilpoot haar skoon lewe tart

Laat ek nie kerm en se ek voel siek nie,

O wee, ek sal haar nog ñ aar laat bars

as sy moet kry my ipekonders van mars,

sit ek onder waak van die venus kommissie.

Sy kan doen alles wat ek kan doen en beter.

Sy’s slim, sterk , mooi, slim en bang niks boonop.

Lag saam my agt been harige, grillerige spinnekop,

ons ken die glaswang gil agter die vuurvreter.

As ek nie nou stop gaan ek my bevind in ñ petalje.

My speurvrou-superheld sal beslis die lys raak snuffel,

En as jy doen my plaas, my liefie, my alles, my buffel

hoop ek jy dink-soos ek- vir die meesterskrif verdien ek ñ medalje. 

Shaun StoltZ

Verbeel My

Ek wens ek kon wees

Dit wat jy so maklik in ñ ander sien

Wat sou maak dat ek jou hart verdien

Asseblief verbeel my tot ek word vlees

Ek wens ek kon doen

Dit wat jou so maklik na ander trek

Wat sou maak dat jy oor my ook vrek

Asseblief  verbeel my ek jou soen

Ek wens ek kon sê

Dit wat jou kneë so maklik knak

Wat sou maak jy na jou asem snak

Asseblief verbeel my ek jou hê

Ek wens ek kon sien

Dit wat jy as volmaak  in ander ag

Wat sou maak dat jy vir my sou wag

Asseblief verbeel my ek 10 uit 10

Ek wens ek skryf vir jou ñ brief

Dit wat my liefdes hart laat plat lyn

Wat sou maak dat jy oor my ook kwyn

Asseblief verbeel my ek jou lief

Shaun StoltZ

Onbekende Held

Ek leen my skouer uit

Aan siele wat dit nodig het

Vir die knieg teen borsbeen op die bed

Vir ieder loop en lippe byt

ek besef dat dit moeilik is

om te leef, werkwerkwerkwerkwerk

met die teken van vervangbaar gemerk

Wie is daar om my te red

Wanneer ek alleen staan

En hulp nodig het

Jy ken my nie, eks net n naam,

Ek stuur vir jou hulp boodskappe aan

Wie gaan die onbekende held red

Nadat hy die wereld gered het

Ter Nagedenkenis aan ñ pa

die gediggie dig ek oor ñ pa

vermis, verlore, verniet

sonder held om te strewe na

ster verskiet seun’s hart verdriet

met wie te praat

wie te vra na raad

met wie te lag

my krag en mag?

al is jy vir my onbekend

en ek vir jou ñ embrio

wil ek  net se jy’t my geskend

o en ja ek is ñ leeu

myself moes leer

van lief en eer

myself moes straf

by ñ graspol graf

ek is nou ñ jong man maer

met ñ warboel vet gedagtes

dankie ñ pa-enigste verdagte

ter nagedenkenis verjaar.

Shaun StoltZ

As ek nog leef

As ek nog is

Patroon herhaal

As ek nog is

Het ek gefaal

As ek nog voel

Te dun van daad

As ek nog voel

Het ek geen saad

As ek nog wees

In vlees gevang

As ek nog wees

Lae lewensrang

As ek nog leef

Kwota onvoldoen

As ek nog leef

Nie werd versoen

As ek nog is

Asem deurspoel

As ek nog is

Onbereikte doel

Shaun StoltZ

Net ek.

Net ek asem donker

Klein, veilg bekend

Net ek denke swymel

Stil, stemhebbend

net ek sukkel lief

moeg, sieldodend

moeilik soos alles raak

is daar troos in bekend

veilig my tot kleintyd wend

wyl ek woorde braak

Shaun StoltZ

Hart Donker Swart

Met hart van swart

Gaan ek lewe deur

Met donker hart

N tong wat skeur

Te veel gesien

En te veel beleef

Met oë niks sien

N hart niks streef

N glass dol leeg

Hoop niks vervul

N daad moet pleeg

Niemand het benul

Met swart van hart

Lewe ek my deur

Met donker hart

Vlymskerp verskeur

Hardloop Weg

Ek hardloop vry

                Ek hardloop vir my

                                Weg van stress weg van kommer

                                                Weg van alles verander my nommer

                                                Tegnologie slegte vriend gee my weg

                                                Verraai my sleg

                                                Ek hardloop weer

                                                                Ek hardloop asem deur

                                                                                Weg van mense weg van invloed

                                                                                                Weg van alles herinner my mismoed

                                                                                                Spieël slegte vriend sê my sleg

                                                                                                Dus vlug ek vreemde in

                                                                                                Dus vlug ek om tyd te win

                                                                                                Ek hardloop weg.

Shaun StoltZ

Se My Soek

Projekteer jou visie op n doek

Spieël vir my presies dit wat jy soek

Sonder speletjies en doekies draai

My ego soms so te verraai

Sê vir my net reguit wat jy soek

Dikteer jou feëverhaal oor ons

woord vir my jou sinne in my gons

Sonder laf te wees en kamofleer

My ego soms so te kalmeer

Sê vir my net goed my hart laat bons

Litereer jou missie op n blad

Sin vir my oral waarheen jy my vat

Sonder kommer of te veel te dink

My ego vry volg my instink

Sê vir my net prontuit hart-patat.

Manifesteer jou emosies in my gees

Bind ons twee ons veraltyd een kan wees

Sonder sellotape of super-gom

My ego se soms goed so dom

Sê vir my ek ons toekoms vir jou lees

Shaun StoltZ

Beaula

Met poeiertjies en goetertjies

Versuur jy jou gesig

Te pragtig om eers na te kyk

Nee rerig, ek wil nie, wyk

In jou spieël is jy die mooiste ding

Wat ooit op twee bene kon sweef

Vir ander is jou skouspelagtigheid

Heelemal te beleefd

Jy is waarlik alles, en nog meer

Dit wat my lewe versies

Dis lelik van my ek vra ekskuus

Maar daai flossie is net verkeerd

Ou Beaula vat my met n knippie sout

Al net vir jou eie beswil

Want ek sal nooit verander nie

En jy ook nie, ek sal onthou

Oums

Antieke klein dogterjie

My grootmaak en my lief

Hiervoor ek se dankie

Sout en peper wysheid-

Leer alles goed en sleg

So lief vir jou van kleintyd

Oummie martha martha

Skarrel nog te veel

Hommelby almal ewig abba

Handjies vol kreukels

Deur die lewe ingestryk

Ek deeg, oums kneukels

My maan en ster vriendin

Sonder wie ek nie kan bly

Meer as ouma, meer as sin

Antieke klein dogtertjie

Sout en peper kennertjie

Oumie martha martha

Rustig raak ons jou nou abba

Shaun StoltZ

Net n bietjie alleen

My eie asem boomerang teen my oor

Die gedruis van my denke belemmer my visie

Net n bietjie alleen sonder n gehoor

My polslag en my hart maak onskuldig rusie

My gedagtes kry kans om n droom te bou

Wyl ek voelers uitstrek om stilte te vang

Maak my siel reg om hard aan realiteit te kou

En drup drup lewe opdraend teen my wang

My eie stem klink sterk en vol van self

So klankhelder ek wil nie ophou luister

Maar vir die stem moet ek deesdae dieper delf

Gelukkig steeds altyd daar aldan net n fluister

Ek en ek maak my onbeskryflik gelukkig

As ek asem, oë toe, stem gestol gedagtes dwaal

My binnenskopse humor is partykeer so pittig

Vertel ek vir almal in my eie denkende taal.

Soms moet ek net bietjie alleen wees

Die ritueel van hart-en-siel-word-een moet begin

Asem bou my en die swart word sig deur gees

En vir daardie oomblik maak alles nog minder sin.

Vat my

Vat n dag

Vat my lag

Vat my laaste asem ook.

Neem   n dag

Neem my  krag

Neem my laaste oomblik ook.

Kry n dag

Kry my mag

Kry my laaste vryheid ook.

Want ek en Jy het n pad gestap

My Weerkaatsing ek mis Jou so.

Ek Man

Die lewe geniet hom gate uit

om jou, Lappop, uitmekaar te trek.

So seer te maak, jou gal te werk

deur jou neus te vryf in realiteit.

Die lewe weet wat te doen teen jou

deur jou siel te knak , n hart ook breek.

So kontant jou seer in trane te week

om jou altyd te herinner jy vrou.

Hier op hings ter eer jou saak

te keur, niemand my lief aan peuter

Waar trane deur die krake gaan.

Altyd ewig so getrou te waak

My hartspunt , my porselein weder

My sweer plig, ek man.

Om Werklik Te Bemin

Om net vir jou te val

Vir jou te kyk

Maak my wese byna mal

Al sal jy nooit weet

Hoe ek oor jou voel

Al het jy my lankal vergeet

As jy so staar in verte in

Met daardie glinster in jou oë

Om werklik  te bemin

Om net met jou te praat

Al sonder stemme

Net in teks te vra na raad

Al sal jy nooit weet

Dit gaan  oor jou

al is dit jy waaroor ek sweet

as jy so speels  raak met jou sin

met daardie giggel in jou stem

om werkilk te bemin

om net jou lief te hê

oor jou te droom

al sonder om vir jou te sê

al sal jy nooit weet

eks lief vir jou

jou naam is my hartstog kreet

ek weet dat jou hart is klaar gewin

en my kans is nou verbeur

maar… om werklik te bemin

Shaun StoltZ

Ink van Wit

Breek n dag

Breek n brug

Wat vandag is vervalle

Is more geblus

Alles wag

Almal het n wag

Te veel stilte

Van Sin ontmag

Dinge versteek

Wat moes wees

Wat sou wees

Stem wat stol

Ink op die tafel

Druppel op die vloer

Waar is bewyse

Van dinge van as

Papier so wit

So wit so wit

Daarom verdwyn dinge

Ink van wit, wit , wit

Shaun StoltZ

Martha

Meisie-vrou van Mountain View

Altyd glimlag op hart en oë

Rykie rissie nooit hoor skreeu

Yl nimmer altyd getoë

Krulle dos soos maan van leeu

Een glimlag laat jou bewoë

Vandag, more volgende week

Altyd dieselfde meisie-mens

Nooit n dubbel agenda versteek

Dierbare hart en siel so vrolik

Enigmatiese dryf-stap

Verre weg onbeskryflik

Eintlik heelemal bo my krap

Nederig steeds al so ongelooflik

Talente sy mee almal betrap

En dan ook nog boonop oulik

Rykie-meisie my woord-hart leeg tap.                            

Shaun StoltZ